1-on-1

Mahirap lumaki nang walang ina. Ito ‘yung mga kadalasang napapanood natin sa drama. Ito ‘yung temang karaniwang nagpapaiyak sa 'tin.

Ayon kay Ma. Sophia Hannah Adeser, mahirap lumaki nang walang kinagisnang ina. Mahirap daw, emotionally, kasi apag may meetings ang parents walang umaattend para sa kanya, kapag recognition wala siyang nanay na magsasabit sa kanya ng medal.

Noong mga 3-4 years old s'ya, doon nakulong ang ina n’ya pero ang dahilan sa kanya ng guardian nýa, specifically ‘yung lola nýa, ay nagtatrabaho lang ito abroad. Kaya hanggang maggrade 4 s’ya ay tanong s’ya nang tanong kung bakit hindi pa rin umuuwi ang mama n’ya. Nalaman ko rin na lumaki sýang walang kalinga ng isang ama. Nanatili lamang sýa sa puder ng lola n’ya na minahal niya nang lubos. Hanggang sa huling hininga ng lola n’ya ay hindi s’ya nito pinabayaan.

Humanga ako sa kanya nang sabihin nýang hindi s’ya naghinanakit sa kanyang mama dahil hindi naman daw nito ginusto ang nangyari.

Nang tanungin ko s’ya kung ano ang pinakamemorable na bisita n’ya sa kulungan, para itong scenario sa Miraclecell No. 7. Ikinuwento n’ya na nakatulog s’ya sa tabi ng kanyang mama noon sa loob ng kulungan.

Ngayon ay inaantay n’ya nang lumaya ang kanyang mama mula sa piitan. Excited na s’yang makasama ang kanyang nanay.